846 Бардыгы /

ОШ. Кыргыз республикасынын Түштүк башкалаасында Жогорку Кеңештин бюджет, экономикалык жана фискалдык саясат боюнча комитетинин депутаттарынын көчмө жыйынын өткөрүштү.

Аталган иш-чаранын алкагында Ош шаарынын суу түтүктөрүн реконструкциялоо долбоору, тактап айтканда, сел суулары дарыяга киргенге чейин сууну алуу үчүн суу алгычты дарыянын жогору жагына өткөрүү боюнча АӨБ долбоору менен дагы жеринде таанышты. Анткени, бул долбоордун баасы 3 миллион долларды чапчыйт.

Ош шаарынын мэри Алмаз Мамбетов дагы нөшөрлөп төөккөн  жамгырда калаа тургундарын таза суу менен үзгүлтүксүз камсыз кылуу маселесин толук чечүү үчүн адистер заманбап сууну тазалоочу мембраналык системаны орнотууну сунуштап жаткандыгын баса белгиледи. Анда Папан суу сактагычындагы сел учурунда булганган сууну тазалай турган ультра фильтрация технологиясы иштейт. Ал эми өз кезегинде Жогорку Кеёеш депутаттары атлган долбоорлорду колдошоорун айтышып, бул идеяларды Эл аралык жана бейөкмөт уюмдар арасында сунуштоо зарылдыгын дагы белгилешти. Ушул тапта «Данги» тилкесиндеги башкы суу алуучу жайды жана Ош шаарындагы таза суу түтүктөрүн курууга экинчи жолу кайрадан тендер жарыяланган. Биринчи жолу жарыяланган тендер катышуучу компаниялар квалификациялык талаптарга жооп бербегендиктен жараксыз деп табылган.

Ошондой эле Ак-Буура дарыясынын жээктерин санитардык тазалоо, көрктөндүрүү жана жашылдандыруу боюнча долбоордун биринчи этабы тушоосун кести.  Ушул тапта бул долбоор боюнча иштердин дээрлик  40 пайызы аткарылды. Жогорку Кеңештин депутаттары аталган долбоорду Ош шаарынын тургундарынын кызыкчылыгы үчүн жүзөгө ашыруу максатында колдоо көрсөтүүгө даяр экендиктерин дагы жар салышты.

Алишер ТОКСОНБАЕВ, өз кабарчы