1,032 Бардыгы /

БАТКЕН. Баткен облусунун Сүлүктү шаарында коомдук жайлар милиция тарабынан тыкыр көзөмөлдөнүүдө.

Баткен облустук ички иштер башкармалыгынан билдиришкендей, Сүлүктү шаардык ички иштеш бөлүмүнүн кызматкерлери коомдук жайларда коомдук тартипти сактоо жана кылмыштуулуктун алдын алуу, укук бузууларга жол бербөө максатында коомчулукка түшүндүрүү иштерин күчөттү. Эл көп топтолгон жайларга, автобекеттерге, мектеп айланасындагы дүкөндөргө эскертүү жарнамаларын илишип, коомдук жайларда тартиптүү болууга жарандар менен сүйлөшүп, коомдук тартипти сактоо боюнча көчөлөрдө жана коомдук жайларда кылмыштуулуктун алдын алуу, өспүрүмдөрдүн коопсуздугун көзөмөлдөө, үй-бүлөлүк зордук зомбулуктарды болтурбоо, ата-энелер тарабынан жаш балдарды көзөмөлдөө боюнча эскертүүлөр дагы берилди.

Баса, өткөн тогуз ай аралагында Сүлүктүү шаарындагы коомдук жайларда тамеки тарткан 14 жаранга жана спирттик ичимдигин ичкен 17 жаранга Кыргыз Республикасынын Укук бузуулар жөнүндө кодексинин негизинен протоколдор толтурулуп, айып пулдар салынды.

Алишер ТОКСОНБАЕВ, өз кабарчы