1,416 Бардыгы /

ЖАЛАЛ-АБАД. Бүгүн, 4-ноябрда Жалал-Абад шаарындагы Барпы театрында Тарых жана ата-бабаларды эскерүү күнү белгиленди.

Жалал-Абад шаардык мэриясынын маалымат борбору  маалымдагандай, иш-чарага КРдин Президентинин Жалал-Абад облусундагы ыйгарым укуктуу өкүлү Абсаттар Сыргабаев, Жалал-Абад шаарынын мэри Эрнисбек Ормоков, Жалал-Абад шаардык кеңешинин төрагасы Нуртилек Орозбаев жана мекеме–ишканалардын жетекчилери катышты.

Шаар мэри Эрнисбек Ормоков өз сөзүндө: “Тарыхый инсандарды эскерүү менен биз кийинки урпактарга ата-бабалардын жаркын элесин, алардын эрдиктерин мурас катары калтырууну инсандык парзыбыз деп билебиз”,-деп белгиледи.

Иш-чарада көзү өткөн коомдук жана саясий ишмерлерге, илимпоздорго жана акын-жазуучуларга арналып куран окулду.