903 Бардыгы /

ЖАЛАЛ-АБАД. Бүгүн, 17-ноябрда Жалал-Абад шаарынын Тайгараев аймактык башкармалыгынын тургундарына мал-жандыктардын катышуусунда болуп жаткан жол кырсыктарынын алдын алуу боюнча түшүндүрүү иши жүргүзүлдү.

Жалал-Абад шаардык мэриясынын маалымат борбору билдиргендей, ага шаардык мэриянын юристи Чыңгыз Эшенов, Жалал-Абад шаардык жол кыймылынын коопсуздугун камсыздоо бөлүмүнүн жетекчиси Тыныбек Рахманов жана жергиликтүү тургундар катышты. Адистердин белгилешинче, кароосуз жүргөн мал-жандыктар унаа жолдоруна чыгып, жол кырсыктарына себепкер болуп калган учурлар көп катталууда. Мал-жандыктарын кароосуз калтырган жарандарга мыйзам чегинде чара көрүлөт. Мындан улам айыл башчыларына түнкүсүн  жылкыларга жарык берүүчү каражаттарды илип коюу зарылдыгы боюнча түшүндүрүү иштерин күчөтүү тапшырмасы берилди.

Алдыда мындай түшүндүрүү  иштери башка аймактык башкармалыктарда да улантылат.