915 Бардыгы /

ЖАЛАЛ-АБАД. Бүгүн, 2-декабрда Жалал-Абад шаарындагы “Көзү азиздер жана дүлөйлөр коому” Эл аралык майыптар күнүнө карата иш-чара уюштурду.

Жалал-Абад шаардык мэриясынын маалымат борбору билдиргендей, иш-чарага Жалал-Абад шаарыны мэринин орун басары Элдос Таев катышып, майыптыгы бар жарандарга жергиликтүү бийлик тарабынан ар дайым моралдык жана  материалдык колдоолорду көрсөтүлүп келээрин белгиледи. Ошондой ден соолугунан мүмкүнчүлүгү чектелгенине карабай коомго пайдасын тийгизип, үзүрлүү эмгектенип жаткан кызматкерлерге ыраазычылык билдирип, жергиликтүү бюджеттен бөлүнгөн акча каражатын тапшырды.

Аталган коомдун  178 мүчөсү болсо, анын ичинен 36сы  ишке жарамдуу жарандар.

Белгилей кетсек, Жалал-Абад шаарында 3,5 миңден ашуун мүмкүнчүлүгү чектелген жаран бар. Аларга жергиликтүү казынадан 358 миң сом акча каражаты бөлүнгөн.