1,044 Бардыгы /

          ОШ. Ош шаардык Кеңеши бекиткен токтомуна ылайык быйылкы жылдын башынан тартып суунун баасы кыйла көтөрүлдү. Бул жөнүндө «Ошсууканал» ишканасынын директорунун суу сатуу жана жыйым боюнча орун басары Таалайбек Кожоев билдирди.

          – Мурун бир куб суунун баасы 5 сом 31 тыйын турса, жаңы жылдын январь айынан баштап 6 сом 88 тыйынга кымбаттады. Ал эми канализацияныкы 2 сом 90 тыйындан 4 сом 20 тыйынга жогорулады. Мындан тышкары короосунда суусу барлар бир кишиге мурун ай сайын 18 сом 94 тыйын төлөсө, мындан ары 24 сом 6 тыйын төгүшөт, – деп кошумчалады«Ошсууканал» ишканасынын директорунун суу сатуу жана жыйым боюнча орун басары Таалайбек Кожоев. – Ал эми жатаканда жашагандар ай сайын 30 сом 57 тыйын төгүшсө, азыртан тартып 40 сом 44 тыйын төлөшөт. Мындан тышкар көп кабаттуу үйлөрдө жансактагандар жан башына буга чейин 43 сом 30 тыйындан төлөп келишсе, мындан ары 57 сом 29 тыйындан мамлекеттик казынага төгүп турушат.

          «Ошшаарсууканал» муниципалдык ишканасы Кыргызстандын Түштүк башкалаасындагы 40 миң кардарды, буга улай Ош облусунун Кара-Суу районундагы Ош шаарына чектеш айылдарды дагы ичилүүчү суу менен туруктуу камсыз этип келатат.    

          Алишер ТОКСОНБАЕВ, өз кабарчы