1,239 Бардыгы /

          ОШ. Кыргызстандын Түштүк башкалаасында күйүктөн жараат алгандарга салыштырганда иске уулангандардын катары ыраса калыңдады. Муну Өзгөчө кырдаалдар министрлигинин Ош шаары боюнча башкармалыгынын өрт өчүрүү, алдын алуу жана авариялык бөлүмүнүн улук офицери, капитан Нуртилек Кубанычбек уулу шардана кылды.

          – Былтыр иске ууланып бир эле жердешибиз каза тапкан эле. Ал эми быйыл иске ууланып набыт тапкандар улам арбып баратат, – деп тызылдады Ош шаары боюнча башкармалыгынын өрт өчүрүү, алдын алуу жана авариялык бөлүмүнүн улук офицери, капитан Нуртилек Кубанычбек уулу. – Бирок, бул жөнүндө бизге кабар түшкөн эмес. Бирок, биз деле маалыматты интернет булактарынан гана алып жатабыз. Негизи өрткө чалдыгып, анан дагы күйүүктүн кесепетинен катуу жараланып, өмүрү менен кош айтышкандар саналуу гана. Тилекке каршы, өрттүн түтүнүнө – иске ууланып каза тапкандар акыркы кезде басымдуулук кылып баратат.

          Айтмакчы, меште от күйүп жатканда, анда тынымсыз майда-майда жарылуулар болуп турат. Ошондо меш чала жабылып калса, тышка майда чоктор түшүп, андан ис жаралат. Ис (СО, же көмүр кычкылы) – түтүндүн курамсына кирген кошулма, жытсыз, даамсыз жана түссүз газ.

          Алишер ТОКСОНБАЕВ, өз кабарчы