660 Бардыгы /

           ОШ. Ош облусунда электр жарыгын пайдалануу боюнча күнүмдүк лимит бар. Маселен, аймак күн сайын милдеттүү түрдө 8 милион 894 киловатт саат гана иштетиши кажет!

          – Тилекке каршы, Ош облусунда кычыраган кышта күнүндө 11 миллион  273 киловатт электр энергиясы жагылып жатат, – деп тызылдады Ош электр тармактар ишканасынын башкы инженери Орозмамат Акимбеков. – Демек, кардарларыбыз 2 миллион 279 киловатт ашыкча пайдаланып атышат. Дээрлик чектөөдөн ашып кетишти. Анткени, газ баасы кымбаттады. Ал эми көмүрдүн баасы дагы көтөрүлдү. Ошондуктан, дагыле биздин ишканага гана күч келип жаткан чагы.

          Ош электр тармактар ишканасынын башкы инженери Орозмамат Акимбеков дал ушул кризистен убактылуу кутулуу максатында аймакта электр энергиясын өчүрүүлөр аргасыздан болуп жаткандыгын дагы жашырган жок. Бирок, мындай жышаан мындан ары канчага дейре созулаарын эч айтпай сыр кылды…

Алишер ТОКСОНБАЕВ, өз кабарчы