1,059 Бардыгы /

ЖАЛАЛ-АБАД. ЭАУда профессор-окутуучулар курамынын жана кызматкерлердин спартакиадасы салтанаттуу түрдө жабылды

ЭАУнун кесиптик багыт берүү ж/а коомчулук менен байланыштар кызматы

маалымдагандай, үстүбүздөгү жылдын 23-27-январь күндөрү К.Ш. Токтомаматов атындагы Эл аралык университетте (ЭАУ, Жалал-Абад ш.) профессор-окутуучулар курамынын жана кызматкерлеринин спартакиадасы өткөрүлүп жатты. Спартакиада спорттун төмөнкү түрлөрү боюнча өткөрүлдү: волейбол, баскетбол, стол тенниси, чатыраш, аркан тартышуу, гиря көтөрүү, эстафета, тогуз коргоол жана бильярд. ЭАУнун ынтымактуу жамааты бул күндөрү спорттук мелдештерге активдүү катышып, өз командаларына кызуу күйөрман болушту. Акыйкат атаандаштыкта байгелүү орундарга татыктуу командалар жана мыкты спортсмендер аныкталды. 1-орунду Эл аралык медициналык колледждин курама командасы, 2-орунду административдик башкаруу аппаратынын курама командасы, 3-орунду үзгүлтүксүз ачык билим берүү институтунун курама командасы ээледи. Спартакиаданын жабылышы салтанаттуу түрдө болуп, байгелүү орундарга ээ болгон командаларга жана мыкты спортсмендерге сыйлыктар берилди.  Мыкты спортсмендер ушундай мүнөздөгү республикалык деңгээлдеги мелдештерге катышат. ЭАУнун ректораты спартакиаданын катышуучуларына активдүүлүгү жана сергек жашоо ыңгайын алгылыктуу үгүттөөсү үчүн ыраазычылык билдирди.