1,209 Бардыгы /

ЖАЛАЛ-АБАД. Кечээ,7-февралда Ноокен райондук ички иштер бөлүмү Ж.Ниязов атындагы жалпы билим берүүчү (көмөкчү) мектепте тарбияланган улан кыздарга өздүк курам тарабынан даярдалган 150 миң сомго жакын акча каражатына кийим-кече, шириндиктер алып келинди.

Жалал-АбадОИИБдин басма сөз кызматы билдиргендей, Ноокен райондук ички иштер бөлүмүнүн өздүк курамы Ж.Ниязов атындагы жалпы билим берүүчү (көмөкчү) мектебинин алдына тизилди. Алгач мугалимдер жана окуучулардын чакан концерттик программасы милиция кызматкерлерине тартууланды. Андан соң Ноокен РИИБдин начальниги Алтынбек Мусаев сөз сүйлөп, балдар ар дайым камкордук кылынарын белгиледи. Аларды майрам күндөрү гана эстебей, башка учурларда дагы көңүл бурулуп тураарын айтты. Өз кезегинде көмөкчү мектебинин жетекчилиги Ноокен милициясына терең ыраазычылык билдирип, ар дайым колдоо көрсөтүп келе жатышканын баса белгиледи.

Иш-чаранын негизги максаты кызматкерлердин ички сезимдерин ойготуп, коомдун аярлуу катмарын ар дайым камкордукка алуу болуп саналат.

          https://youtu.be/yYBHr4vCMyM видео ушул ссылкада.