903 Бардыгы /

Жалал-Абад областынын ички иштер башкармалыгы жарандарды кооперативдерге катталууда этият болууга чакырган видеоролик даярдады. Жалал-АбадОИИБдин басма сөз кызматы билдиргендей, видеороликте

кооперативдерди белгилүү адамдар жарнама кылаары, ага карапайым адамдар ишенип, материалдык чыгымга учурап жаткандыгы белгиленет. Ошондой эле кооперативге катталган соң акча каражаты да тез арада тиерине ишеним жок экендиги айтылат. Роликтин мазмунунда 1 жылда 1000ден ашуун жаран каржы пирамидаларынан жабыр тарткандыгын эске салат. Облустук милиция жарандарды кыймылсыз мүлк сатып алууда мамлекеттик ипотекалык компания же мамлекеттик банктарга кайрылууга чакырат.

Кыргызстанда 2022-жылдын 12 айында каржы пирамида фактылары боюнча 1052 кылмыш иши тергелип, 765 кылмыш иши соттун кароосуна жөнөтүлгөн. Андан жабыр тарткан жарандардын саны 1000ден ашып, келтирилген материалдык чыгымдын жалпы суммасы 273 млн. сомду жана 1 млн. 579 миң АКШ долларын түзгөн.

https://youtu.be/svsX4qsbC80 видео ушул ссылкада.