825 Бардыгы /

БИШКЕК. Ички иштер органдарынын тергөө кызматынын кызматкерлери үчүн зордук-зомбулукка кабылган аялдарга жана жаш балдарга карата кылмыш иштерин иликтөөнүн сапатын жогорулатууга багытталган бир катар
окуу-семинары башталды.
ИИМдин басма сөз кызматы билдиргендей, кылмыш иштерин иликтөөнүн сапатын жогорулатууга карата окуу-семинары март айына чейин уланып, Бишкек жана Ош шаарларынын, Чүй, Нарын, Ысык-Көл, Талас, Ош, Жалал-Абад жана Баткен облустарынын 200 тергөөчүлөрүнүн катышуусу күтүлүүдө.
Окуу-тренерлери: ИИМдин Тергөө кызматынын бөлүм начальниги Султан
Макилов, Башкы прокуратуранын улук прокурору Феликс Абакулов, Клиникалык
тез жардам ооруканасы алдындагы Республикалык соттук-медициналык
экспертиза борборунун бөлүм башчысы Айнура Асылбекова, ошондой эле
«Демократиялык процесстерди изилдөө борбору» коомдук фондунун өкүлдөрү.
Аталган окуу-семинары Кыргыз Республикасынын Министрлер Кабинети
тарабынан бекитилген Гендердик теңчиликке жетишүү боюнча Улуттук
иш-аракеттер планына ылайык жүргүзүлөт. Катышуучулар зордук-зомбулукка
кабылган аялдар жана кыздар үчүн негизги кызматтардын негизги
принциптерин жана стандарттарын үйрөнүшөт. Өзгөчө көңүл, тергөөчүнүн
жабырлануучу менен болгон алгачкы байланышына бурулат. Бул сыяктуу
кылмыш иштерин тергөөдө процессуалдык аракеттер каралып,
жабырлануучулардын кайра курмандыкка учурап калуу коркунучун
азайтат.Тартип сакчылары, сотко чейинки өндүрүш стадиясында тергөөчүлөр
тарабынан жасалган мыйзам бузууларды изилдешет. Аталаган окуу-семинары
гендердик кылмыштарды иликтөөдө соттук-медициналык экспертизанын
жүрүшүнө жана соттук-биологиялык экспертизанын өзгөчөлүктөрүнө арналат.
Сабактар ички иштер министрлиги жана «Демократиялык процесстерди изилдөө
борбору» коомдук фонду менен биргеликте Улуу Британиянын өкмөтүнүн жана
БУУнун Калкты жайгаштыруу фондунун каржылык колдоосунда өткөрүлүүдө.