1,110 Бардыгы /

          БАТКЕН. Баткен облусунун Лейлек районунун Максат айылында “Жашыл чек ара” кооперативдик интенсад долбоору жүзөгө ашырылууда. Бул туурасында Жаратылыш ресурстары, экология жана техникалык көзөмөл министрлигинен билдиришти. 

Аталгшан долбоордун алкагында айыл чарба багытындагы 100 гектар жерге интенсивдүү (тез өсүүчү) алма, алмурут, нектарин жана алча бактары отургузулат. Аталган кооператив көчөттөрдү отургузуу үчүн атайын техника менен жабдылып, тамчылатып сугаруу системасы менен өнүктүрүлөт. Ошондой эле чогултулган продукцияны сактоо үчүн сыйымдуулугу 5000 тоннага чейинки негизги сактоочу жайды, анын ичинде жуугуч, сорттоочу, калибрлөөчү жана таңгактоочу жабдуулар үчүн жайларды – кампаны дагы куруу күтүлүүдө.

Ошентип, Баткендле өстүрүлгөн продукция экспортко багытталып, ошондой эле республикабыздын 6 базарларында жана супермаркеттеринде атайын текчелер аркылуу гана сатылат.

Алишер ТОКСОНБАЕВ, өз кабарчы