1,392 Бардыгы /

ЖАЛАЛ-АБАД. Кечээ, Кыргыз Республикасынын Президентинин Жалал-Абад облусундагы ыйгарым укуктуу өкүлү Абсаттар Сыргабаев 2023-жылдагы жазгы талаа жумуштарынын алкагында Ноокен районундагы пахта аянттарын көбөйтүү боюнча жыйын өттү.

Жыйынга райондогу ири кооператив уюмдардын, үрөн чарбалардын өкүлдөрү, дыйкандар жана жергиликтүү бийлик жетекчилери катышты.

Буга чейин Кыргыз Республикасынын Президентинин Жалал-Абад облусундагы ыйгарым укуктуу өкүлчүлүгү менен Өзбекстан Республикасынын “Art Soft Holding” ЖЧК ортосунда суммасы 30 млн. долларлык текстиль өндүрүшүн түзүү боюнча кызматташуу жөнүндө макулдашууга кол коюлган.

Ага ылайык, аталган пахта кластери Ноокен районунда курулат. Облус башчысы аймактын дыйканчылык жаатындагы мүмкүнчүлүктөрү арбын экенин айтып, ири ишкананын керектөөсүн эске алуу менен райондогу пахта аянттарын 5 миң гектарга чейин көбөйтүү зарылдыгын белгиледи.