1,050 Бардыгы /

ЖАЛАЛ-АБАД. Ноокен РИИБдин Балдар иштери боюнча инспекциясы райондук билим берүү бөлүмү менен биргеликте уюштурган мектеп окуучулары арасындагы «Милициянын жаш досу» сынагынын жыйынтыктоочу бөлүгү №16 Турусбеков атындагы орто мектебинде болуп өттү.

Жалал-Абад ОИИБдин басма сөз кызматы билдиргендей, бул иш-чаранын максатыжаш өспүрүмдөрдү патриоттуулукка тарбиялоо, жалпы маданиятты жогорулатуу, жашы жете электердин жана билим берүү мекемелеринин окуучуларынын кароосуздугун жана укук бузууларын алдын алуу боюнча иштерди уюштурууга багытталган.

Сынактын башталышында Ноокен РИИБдин начальнигинин орун басары Э.Жаркынбаев жана райондук билим берүү бөлүмүнүн башкы адиси Г.Андарова куттуктоо сөздөрүн айтып, бардык катышуучуларга ийгиликтерди каалашты.

“Милициянын жаш досу – 2023” сынагына 8 команда катышты. Алар буга чейин айыл акмактык деңгээлде өткөрүлгөн мелдештерде байгелүү орундарды ээлеген №2, №37, №48, №28, №16, №4, №46, жана №6 мектептердин окуучулары.

Мелдештер төмөнкү сынактар менен өткөрүлдү:

Отряддын саптык даярдыгы.

«Келечектеги укук коргоочу» укуктук даярдыгы.

Дубал газеталардын конкурсу.

Отряддын агитколлективинин мелдеши.

Капитандардын мелдеши «Биздин жоокер бардык жерде жакшы».

Милиция тууралуу мыкты ырга сынак.

МЖД бөлүмдөрүнүн иши жөнүндө видеороликтерди көрсөтүү.

Жыйынтыгында 1-орунду №48 Матисаков орто мектебинин окуучуларына жеңип алып, диплом “Милициянын жаш досу– 2023” кубогу жана баалуу белектер менен сыйланышып, облустук сынакка жолдомо алышты. Ал эми 2-орунга №16 орто мектеби ээ болсо, 3-орунду №37 орто мектебинин окуучулары татыктуу болушту.

Соңунда уюштуруучулар ар бир сынак боюнча мыктыларды аныктап дипломдорду тапшырып, окуучуларга жана мектеп мугалимдерине активдүү катышкандыктары үчүн ыраазычылык билдиришти.