1,017 Бардыгы /

БИШКЕК. Ички иштер министрлиги менен Билим берүү жана
илим министрлиги жана алардын аймактарындагы бөлүмдөрү, мектептерде
мамлекеттик органдардын катышуусунда окуучуларга жана алардын
ата-энелерине биргеликте жыйындарды өткөрүшүп, өспүрүмдөргө байланыштуу көйгөйлөрдү угушуп, жеринен чечүүгө жана мындан ары дагы аныкталган конкреттүү багыттар боюнча зарыл болгон иш-чараларды өткөрө башташты.  ИИМдин басма сөз кызматы билдиргендей, аталган иш-чара «Жаштар – өлкөнүн азыркысы жана келечеги!» дегендей, 2023-жылдын 3-март күнү ички иштер министрлигинин демилгесинин алдында билим берүү жана илим министрлиги менен окуучулардын арасындагы укук бузууларды жана кылмыштуулукту алдын алуу боюнча биргелешкен буйруктун негизинде жүргүзүлүүдө.
Кыргыз Республикасынын 2022-2023-окуу жылына карата ИИМдин коомдук
коопсуздук кызматынын кызматкерлери тарабынан жалпы билим берүү
мекемелеринин окуучулары жана балдар арасында укук бузууларды алдын алуу
боюнча атайын баяндамалар жасалып, кылмыштуулукка каршы иштөө боюнча
атайын даярдалган слайддар дагы көрсөтүлүүдө. 
Учурда жер-жерлерде өткөрүлүп жаткан жыйындарда ата-энелер тарабынан
айтылган сунуш-пикирлер дагы угулуп, окуучулар арасындагы кылмыштуулукту
жана укук бузууларды алдын алуу, алардын коопсуздугун камсыздоо боюнча
маселелер талкууланууда. 
Эскерте кетсек, бул буйруктун негизинде  мектеп окуучуларынын арасында
кылмыштардын жана укук бузууга жөндөмдүү шарттарын, себептерин табуу
менен билим берүү уюмдарындагы алдын алуу иштеринин абалын иликтөө жана
талдоо, ушунун негизинде аларды жоюу максатында ички иштер министрлиги
менен билим берүү жана илим министрлигинин биргелешкен иш-мерчеми
иштелип чыккан. Бүгүнкү күндө ички иштер министрлиги тарабынан өспүрүмдөрдүн арасындагы кылмыштуулукту алдын алуу  боюнча тескеме жана буйруктардын негизинде алгылыктуу иш алып барылууда.
Мектеп окуучуларынын билим сапатын, тартибин, тарбиясын билим берүү
мекемелери, ата-энелер гана көзөмөлгө албастан, милиция кызматкерлеринин
дагы ролу чоң экендигин унутпайлы.