1,152 Бардыгы /

Япониянын өкмөтү Баткен облусунда табигый кырсыктарга туруштук бере турган жолдорду салуу үчүн 5,3 миллион доллар өлчөмүндө грант бөлөт. Бул тууралуу Каржы министрлигинин басма сөз кызматы билдирди.

Маалыматка караганда, гранттык келишимге Кыргызстандын каржы министри Алмаз Бакетаевдин, Япониянын Кыргызстандагы элчиси Хидэки Годанын жана Жапониянын эл аралык кызматташтык агенттигинин (JICA) өкүлү Кавамото Хироюкинин катышуусунда 23-мартта кол коюлду.

“Долбоордун негизги максаты – Баткен облусунун аймагында табигый кырсыктарга туруктуу жолдорду куруу жана Борбор Азия чөлкөмүндө логистикалык коопсуздукту камсыз кылуу”, – деп жазылган министрликтин сайтындагы билдирүүдө.

2022-жылы октябрда кыргыз-тажик чек арасындагы куралдуу кагылышуудан кийин Япония Баткен облусу үчүн 1 миллион доллар өлчөмүндө грант бөлгөн.

WWW.