1,140 Бардыгы /

БИШКЕК. Ички иштер министрлигинин  борбордук аппаратында  ИИМдин тергөөкызматынын түзүлгөндүгүнүн 60 жылдык юбилейине карата салтанаттуу иш -чара болуп өттү.
ИИМдин басма сөз кызматы билдиргендей, кылмыш иштеринин олуттуу көлөмүн милиция органдарынын тергөөсү жүргүзүп келгендигин эске алуу менен, Ички иштер органында тергөө кызматы түзүү боюнча СССРдин Жогорку Советинин Президиумунун Указы менен 6-апрель 1963-жылы кылмыштар боюнча тергөө жүргүзүү укугу ички иштер органдарына берилген. Ушуну менен Ички иштер органында СССР курамына кирген мамлекеттерде тергөө күнү катары официалдуу түрдө ушул күн белгиленип келет. 
Кыргыз Республикасынын Ички иштер министри милициянын генерал-лейтенанты
Улан Ниязбеков тергөөчүлөрдү кесиптик майрамы менен куттуктады.
“Тергөө бөлүмдөрүнүн кызматкерлеринин кылмыштуулукка каршы күрөшүүдө
кошкон салымы баа жеткис жана ички иштер органдарынын бардык
ыкчам-кызматтык ишинде  чечүүчү таасирин тийгизет. Силер күн сайын
өлкөнүн тынч жашоосун камсыз кылууга чоң салымыңарды кошуп жатасыңар.
Силердин чынчыл жана ак ниет кызматыңарга, кесипкөйлүгүңөргө,
принципиалдуулугуңарга жана тергөөнүн мыкты салттарына берилгендигиңер
үчүн ыраазычылык билдиргим келет. Тергөөдө кызмат өтөгөн кызматкерлер мындан ары да кызматтык парзыңарга жана антыңызга бекем туруп, силерге жүктөлгөн милдеттерди ак ниет менен болгон күчүңөрдү жумшап, билимиңерди жана тажрыйбаңарды багыттоону улантасыңар деп ишенем.
Тергөө органдарынын ардагерлерине ыраазычылык билдирип, ден соолук жана
бакубат жашоо каалайм.
Урматтуу кесиптештер, сиздердин эмгегиңиздер эң чоң урмат-сыйга,
ыраазычылыкка жана колдоого татыктуу. Сиздерди кызматтын түзүлгөндүгүнүн мааракеси менен куттуктап, кесиптик ийгиликтерди жана жакындарыңызга чын ден соолук, үй-бүлөлүк бакубатчылык каалайм», – деди министрликтин башчысы чогулгандарга.
Куттуктоо сөздөрүндө узун өмүр, күжүрмөн эмгекте ийгиликтерди каалап,
ИИМдин “Генералдар Кеңешинин” төрагасы Садырбек Дубанаев, ардагерлер
кеңешинин төрагасы Султан Жоошбаев жана тергөө кызматынын ардактуу
ардагерлери Памирбек Асанов менен Макен Турдугуловичтер сөз сүйлөштү.
Салтанаттуу кырдаалда кызматтык милдеттерин ак ниеттүүлүк менен
аткаргандыгы, эмгекте жогорку натыйжаларга жетишкендиги, өсүп келе
жаткан муундарды тарбиялоого кошкон баа жеткис салымы үчүн 156
кызматкерге жана тергөө кызматынын 100дөн ашык ардагерлерине
ведомстволук медалдар жана төш белгилер тапшырылды.