1,191 Бардыгы /

БАТКЕН.   Кыргыз-тиажик чек арасындагы куралдуу кагылышуудан жапа чеккендердин 36,2 миллион сом суммасында 377 насыясы жоюлуп, 160,8 миллион сом суммасында 228 насыясы реструктуризацияланды. Бул туурасында Кыргыз Республикасынын Улуттук банкынын басма сөз кызматынан билдиришти.

Маалыматка караганда, ушуш жылдын 31-мартына карата каржы-кредит уюмдарына 514 карыз алуучу кайрылган.

Эске салаарыбыз: 2022-жылдын 14-17-сентябрында Тажикстан Кыргызстандын аймагын басып алуу максатында Баткен облусунун жана Ош облусунун Чоң-Алай районунун чек ара заставаларына жана калктуу конуштарына куралдуу кол салган. Тажикстандын куралдуу кол салуусунун кесепетинен, КР Саламаттык сактоо министрлигинин акыркы маалыматтары боюнча, 63 адам курман болуп, 198 адам жабыркаган. Ошондой эле турак жайлар, социалдык обөектилер талкаланган.

Алишер ТОКСОНБАЕВ, өз кабарчы