1,305 Бардыгы /

          БАТКЕН. Баткен обулусунун Баткен районуна караштуу Төрт-Гүл айыл өкмөтүнүн Чоң-Талаа  айылында  225 орундуу Чоң-Талаа орто мектебинин курулушу башталды.  Мектептин курулушуна капсула салуу аземине жергиликтүү жеткечилер, Жогорку Кеңеш депутаты жана АРИС уюмунун өкүлдөрү, ошондой эле жергиликтүү  тургундар  дагы катышышты.  

Мектеп үчүн Төрт-Гүл айыл өкмөтү тарабынан 1,4 гектар жер аянты ажыратылган. Курулуучу мектеп эки кабаттан турат. 225 орунга  ылайыкташтырылган. Мектепти  куруу мөөнөтү  2023-жылдын апрель–август айлар аралыгы деп белгиленген. Курулуштун тендердик баасы  83,2  миллион сом.

Белгилей кетчү жагдай: 2021-жылы курулган мектеп, өткөн жылда  чек арадагы куралдуу жаңжалда тегиз өрттөлүп. талкаланган эле. Ошондуктан, бул билим журту Дүйнөлүк Банктын каржылоосу менен АРИС уюму тарабынан каржыланат. 

Алишер ТОКСОНБАЕВ, өз кабарчы