939 Бардыгы /

БАТКЕН. Баткен жергесиндеги ажайып «Мадыген» геосейил багынын аймагына дүйнөнүн жана Кыргызстандын булуң-бурчунан келишкен 100 чакты туристке атайын саякат уюштурулду.

Туристтер Баткендин Сары-Тоо капчыгайына, Сфинкс, Моллюскалар жана динозавр өрөөнүнө, IX-X кылымга таандык байыркы эритүүчү мештерге, түркүн түстүү айыл – Мадыген оазисине жана каньондорго саякатташты. Анткени, ушул тапта Баткен облусунда туризмди туруктуу өнүктүрүү максатында туристтик «ITBE» көргөзмөсү, «Айгүл-Тоо», “»аткен күрүчү», «Көчмөндөрдүн тамак ашы» аттуу фестивалдар, кол өнөрчүлөрдүн «Кыргыз килеми» эл аралык жарманкеси жана «Мадыген» геосейил багынын туруктуу өнүгүшүн илгерилетип, «ЮНЕСКОнун глобалдык геосейил бактар  тармагына кошуу боюнча биргелешкен аракеттер» аттуу эл аралык туристтик форум өтүүдө. Аталган маданий иш-чара Туризм департаменти президенттин Баткен облусундагы өкүлүнүн аппараты менен биргеликте уюштурулуп, эл аралык жана ата мекендик өнөктөштөрдүн колдоосунда өтүүдө.

Белгилей кетчү жагдай: Кыргыз Республикасынын министрлер кабинетинин чечими менен Баткенде уникалдуу, эталондук жаратылыш мурастары бар аймактарды сактоо максатында жалпы аянты 8 160 гектардан турган «Мадыген» жаратылыш эстелиги түзүлдү.

Алишер ТОКСОНБАЕВ, өз кабарчы