1,941 Бардыгы /

ОШ. Ош облусунун Кара-Суу районундагы «Байка Текстиль» фабрикасынын расмий ачылыш аземине АКШнын Кыргыз Республикасындагы элчиси Лесли Вигери катышты. «Байка Текстиль» ишканасы АКШнын Эл аралык өнүктүрүү боюнча агенттиги (USAID) тарабынан берилген заманбап тигүүчү шаймандар менен жабдылды.

Жалпы наркы 100 миң долларга бааланга жаңы жабдуулардын арасында тигүүчү жана бычуучу машиналар, футболка жана башка буюмдарды тигүүчү заманбап шаймандар бар. Жаңы имараттын курулушуна жана кошумча жабдууларды сатып алууга «Байка Текстиль» компаниясы 330 миң доллардан ашык инвестиция жумшады.

– USAIDдин колдоосу аркасында алынган заманбап жабдуулардын жардамы менен продукциябыздын сапатын жогорулата алдык. Өндүрүшүбүздүн көлөмү 15 пайызга өстү, – деп билдирди «Байка Текстиль» фабрикасынын директору Каныбек уулу Байымбет.

«Байка Текстиль» өз ишмердүүлүгүн адегенде Бишкектен баштаган. Бирок, Кыргызстандын түштүгүндө жумуш орундарын көбөйтүү максатында ишкананын негиздөөчүлөрү өндүрүштү Ош облусуна көчүрүүнү чечкен эле. Компания өз имаратын куруп, өндүрүшүн кеңейтерээри менен жумушчулардын саны 80ден 400 адамга чейин көбөйдү.

– Акыркы төрт жылдын аралагында АКШ өкмөтү USAID уюму аркылуу «Байка Текстиль» сыяктуу 120дан ашык ишканага гранттык колдоо көрсөткөн. Мындай колдоо, бүткүл Кыргыз Республикасынын аймагында, өзгөчө айымдар үчүн, миңдеген жаңы жумуш орундарын түзүүгө мүмкүнчүлүк жаратты, – деп баса белгиледи АКШнын Кыргыз Республикасындагы элчиси Лесли Вигери.

Ошентип, аталган заманбап жабдуулар USAIDдин «Конкуренттүү  ишкана» долбоорунун алкагында гана берилди. Долбоор Текстиль өнөр жайы, азык-түлүк өндүрүшү, айыл чарба, маалымат технологиялары, каржы жана башка тармактардагы кичи жана орто ишканаларга өндүрүш көлөмүн жана сатымдуулугунун кеңейүүсүнө гана түздөн-түз көмөк көрсөтөт. Негизги максаты – Кыргыз Республикасында жумуш орундарын көбөйтүү. Беш жылдык долбоордун жалпы бюджети 23 миллион АКШ долларын чапчыды. 2018-жылдан бери аталган бул долбоордун алкагында USAID 120дан ашык ишканага түздөн-түз колдоо көрсөттү.

Алишер ТОКСОНБАЕВ, өз кабарчы