1,203 Бардыгы /

БАТКЕН. УКМКнын төрагасы Камбыбек Ташиев 20022-жылдын сентябрындагы Кыргыз-Тажик чек арасындагы куралдуу чырдын маалында күйөөсүнөн ажыраган Баткен облусунун тургуну Шоирой Джулдибоева менен жолугушту. Анткени, Шоирой өзү майып, ал эми үч кызы өспүрүм бойдон.

УКМК тараткан маалыматка караганда, 2022-жылдын сентябрындагы чек ара чырынын тушунда аталган үй-бүлө күтүүсүз автокырсыкка кабылган. Автоунаада 24 адам жайгашкан экен. Булардын 12си, анын ичинде Шоирой Джулдибоеванын күйөөсү Абдыганы Мамиров, уулу Максатбек Абдырашидов жана кызы Сумая Абдырашидова жеринде эле каза табышкан. Ушул тапта Шоирой Джулдибоева дарыгерлердин рекомендациясына ылайык Бишкек шаарында гана туруктуу дарыланууга тийиш! Ал эми анын кыздары аталган автокырсыктан кийин Баткен жергесине кайтуудан таптакыр баш тартышты.

УКМКнын төрагасы Камбыбек Ташиев кырсыктаган үй-бүлөгө Кыргызстандын башкалаасынан үй сатып берүүгө өзү жардамдашты. Мындан тышкары Шоирой Джулдибоеванын дарылануусуна дагы материалдык жактан колдоо көрсөттү.

Алишер ТОКСОНБАЕВ, өз кабарчы