1,548 Бардыгы /

Жынысы, жашы, улуту жана диний ишенимине карабастан, бардык адамдар бирдей коркунучка туш болушат. Көпчүлүк учурларда адам сатуунун курмандыктары болуп жашоо деңгээли төмөн адамдар, жашы жете элек балдар же турмуштук оор кырдаалга кабылган адамдар кабылып калышы мүмкүн.
Сиз коркунучта экениңизди көрсөткөн белгилер:
1. Сизге тез, оңой жана чоң кирешелер сунушталат. Келишим түзүү боюнча бир дагы сөз болбой, баары убадага таянат. Бул фирма тууралуу эч бир расмий маалымат таба албайсыз.
Төмөнкү мазмундагы кулактандырууларга өзгөчө этият болуңуз:
“Кыздар үчүн официант, бийчи катары иштөө, жана башкалар. Кесиптик даярдык талап кылынбайт. Жол кире, камсыздандыруу, турак жай жумуш берүүчү тарабынан төлөнөт», «Жогорку маяна», ошондой эле уюлдук телефон номери гана көрсөтүлгөн жана компаниянын башка байланыш номерлери жана
даректери көрсөтүлбөгөн жарнамаларга.
2. Бейтааныш адамдар сизге карызды берүүнүн жана төлөөнүн “жомоктогудай” шарттары менен акча сунушташат. Анын ордуна паспорт же башка документтерди сурашат.
3. Бейтааныш (тилекке каршы, көбүнчө тааныштар) адамдар ар кандай шылтоолор менен чет өлкөгө бекер же минималдуу чыгашалар менен барууну сунушташат: жумуш, эс алуу, же интернет аркылуу таанышуу.
Эгерде сиз өзүңүз, жакын адамыңыз, тааныштарыңыз адам сатуунун
курмандыгы болду деп шектенсеңиз, тез арада туугандарыңызга билдириңиз же милицияга кайрылыңыз!
Негизинен адам сатуунун курмандыктары милициянын ыкчам иш-аракеттеринин натыйжасында, сырттан келген адамдардын жардамы менен же өз алдынча качууну уюштуруп, ишке ашыруунун натыйжасында кулчулуктан бошотулат.

ИИМдин басма сөз кызматы