1,317 Бардыгы /

          ЖАЛАЛ-АБАД. Кылмыш ишинин фигуранттары жерлерди ар кандай махинацияларды колдонуу менен мамлекеттен алып алышкандыгы ашкереленди. Ошентип, Жалал-Абад шаарындагы өндүрүш жана соода жайлары, 430 миллион сом өлчөмүндөгү жер тилкелери, имараттар жана курулуштар акыры мамлекеттин менчигине кайтарылды. Бул туурасында УКМКнын маалымат кызматынан кабарлашты.

          Маалыматка караганда, аталган иштин фигуранттары 2000-жылдары ар кандай коррупциялык схемаларды жана махинацияларды колдонуу менен мамлекеттин балансында турган кыймылсыз мүлктөрдү менчиктеп дагы алышкан. Атайын тергөөнүн жүрүшүндө булардын 2010-жылдын май жана июнь айларында Жалал-Абад шаарында административдик имараттарды күч менен басып алууну жана улуттар аралык кагылышууну уюштурууга катыштыгы бар экендиги аныкталды.

          Жыйынтыгында мамлекетке жалпы аянты 2 гектарга жакын жер тилке өткөрүлдү. Жалал-Абад шаарынын мэриясы ал жерге социалдык обөектилерди (бала бакча, мектеп сыяктуу) жана мамлекеттик-муниципалдык кызматкерлер үчүн арзан турак жай, анын ичинде мамлекеттик ипотекалык насыялоо программасынын алкагында курууну пландоодо.

Алишер ТОКСОНБАЕВ, өз кабарчы