1,068 Бардыгы /

          ОШ. Президенттин Ош облусундагы ыйгарым укуктуу Өкүлү Элчибек Жантаев Кара-Кулжа районунун Кайың-Талаа айылындагы өрттөнүп кеткен мектебинен жеринде кабар алды. Облус башчысы жеринде тиешелүү кызмат өкүлдөрү менен тез арада аймакта билим берүү инфраструктурасын калыбына келтирүү маселесин дагы кошо талкууланды.

          Ошентип, Ош облусунун жетекчиси Элчибек Жантаев тиешелүү кызматтарга өрттөлгөн билим уясынын жанына курулуп жаткан эки кабаттуу жаңы мектеп имараттын курулушун тездетүүнү катуу тапшырды.Ушуга улай айылдын мектеп жамааты жана эли менен болгон жолугушууда жаңы окуу жылында балдардын билим алуусу эч үзгүлтүккө учурабай тургандыгын жана жаңы мектептин курулушу өлкө башчысы Садыр Жапаровдун тыкыр көзөмөлүндө тургандыгын дагы баса белгиледи. Андан ары мындай окуяларга жол бербөө үчүн өрттүн келип чыгуу себептерин аныктоо жана келтирилген зыянды эсептөө иштерин тездетүү зарылдыгына айрыкча көңүл бурду.

          Белгилей кетчү жагдай: Кара-Кулжа районунун Кайың-Талаа айылындагы орто мектеп белгисиз себептерден улам толугу менен өрттөнүп кеткен эле…

Алишер ТОКСОНБАЕВ, өз кабарчы