1,020 Бардыгы /

БАТКЕН. Кечээ, 23-август күнү Баткен шаарында “Заманбап дүйнөдөгү аялдардын ролу: кызматташтыктын жаңы горизонттору” аттуу III Республикалык аялдар форуму болуп өттү. Бул тууралуу ИИМдин басма сөз кызматы билдирди.
Форумга Кыргыз Республикасынын Мамлекеттик катчысы Сүйүнбек Касмамбетов, Кыргыз Республикасынын Жогорку Кеңешинин депутаты Элдияр Сулайманов, Кыргыз Республикасынын Президентинин Баткен облусундагы ыйгарым укуктуу
өкүлү Абдикарим Алимбаев, ЕККУнун Бишкектеги Программалык Кеңсесинин башчысы, элчи Алексей Рогов, Аскердик атташелердин, Башкы штабдын жана күч түзүмдөрүнүн, КР Куралдуу Күчтөрүнүн жана башка аскердик түзүлүштөрдүн өздүк курам менен иштөө боюнча орун басарлары жана аялдар кеңештеринин, жергиликтүү мамлекеттик администрациянын, облустун аялдар
активисттеринин (123 адам), Өзбекстан Республикасынын жана Тажикстан Республикасынын чек арага жакын райондорунун аял активисттеринин өкүлдөрү катышты.
Форумдун негизги максаты – чыр-чатактарды алдын алуу жана жөнгө салууда аялдардын ролун тастыктоо үчүн Кыргыз Республикасынын Куралдуу Күчтөрүндөгү аялдар кыймылы менен аймактагы жарандык коомдун ортосунда диалог жана кызматташуу үчүн аянтча түзүү. Кыргыз Республикасынын статс-катчысы Сүйүнбек Касмамбетов чогулгандардын алдында сүйлөп жатып, өлкөдө парламентаризмди өнүктүрүүдө аялдардын маанисин белгиледи.
“Бүгүнкү күндө аялдардын катышуусуз улуттук коопсуздукту камсыз кылуу системасын элестетүү мүмкүн эмес. Алар укук коргоо органдары, чек ара кызматы, армия, фискалдык жана көзөмөл органдары, куткаруу кызматы жана атайын түзүмдөр. Ушул жана башка аялдардын кесиптери алмаштырылгыс болуп калды», – деди ал.
Форумда төмөнкүдөй маселелер талкууланды: тынчтык орнотуудагы
чыр-чатактарды алдын алуу жана жөнгө салууда аялдардын ролу, дүйнөдөгү жалпы коопсуздукка жана туруктуулукка жетишүүдө аялдардын салымы, чек ара чыр-чатактарын чечүүдө аялдардын ролу. Бардык маселелерди талкуулагандан кийин катышуучулар кийинчерээк ишмердүүлүктүн бардык деңгээлдеринде ишке ашыруу менен форумдун резолюциясын кабыл алышты.
Жыйынтыгында Форумдун катышуучулары спорттук мелдештерге (сууда сүзүү, жээк волейболу жана 100 метрге чуркоо) жана башка «Келгиле кыздар», «Дефиле» жана Флешмоб сынактарына катышты.