729 Бардыгы /

ЖАЛАЛ-АБАД. Жалал-Абад шаарынын негизги көчөлөрүнүн бири болгон Бекмамат Осмонов көчөсүнө жаңыдан асфальт төшөө үчүн даярдоо иштери  жүрүп жатат.

Жалал-Абад шаардык мэриясынын маалымат борбору билдиргендей, учурда шаардагы Б.Осмонов көчөсүндөгү эски асфальты алынууда. Аталган көчөгө жаңыдан асфальт төшөөдөн сырткары жолдун эки тарабына темир-бетон арык куурлары жаткырылып, тротуар курулат.

Жолдун узундугу  2,5 чакырым, туурасы 14 метрди түзөт.

Бекмамат Осмонов көчөсүн реконструкциялоо республикалык бюджеттен Жалал-Абад шаарын өнүктүрүүгө бөлүнгөн 2 млрд. сомдун эсебинен каржыланууда. Ал эми эки тарабына тротуар куруу каражат жергиликтүү бюджеттен каралган.

Белгилей кетсек, Жалал-Абад шаарында быйыл жалпы 13 чакырым тротуарга жана 20 чакырым жолго асфальт төшөө пландалган.