849 Бардыгы /

        ОШ. Министрлер кабинетинин төрагасы Акылбек Жапаров Ош облусунун Ноокат районундагы быйыл бир катар жаңы курулуп иштетүүгө тапшырылган бала бакчалардын ишмердүүлүгү менен жеринде таанышты.

          Адегенде Кыргыз Өкмөтүнүн башчысы Акылбек Жапаров Токтомат Зулпиев айыл өкмөтүндөгү «Кашкалдак» бала бакчасына баш бакты. Заманбап бардык шарты менен курулган бала бакча 120 балага ылайыкташып, жергиликтүү 27 адам жумуш менен камсыз этилген. Курулуштун жалпы суммасы 43 миллион сомдон ашат. Ушундан соң Кара-Таш айыл өкмөтүндөгү «Бүрабия эне» бала бакчасынын ишмердүүлүгү менен дагы таанышты. Заманбап бардык шарттары менен салынган бала бакча 2 кабаттан турат жана муну чүн 55 миллион сом жумшалган. Мында 3 жаштан 6 жашка чейинки 100 бала кабыл алынат. Бул аталган Айыл Өкмөттүн калкынын саны 16 миңден ашуун.

        Ошентип, быйыл жаңыдан курулуп иштетүүгө берилген бала бакчалардын ишмердүүлүгү менен таанышкан министрлер кабинетинин төрагасы Акылбек Жапаров мамлекет балдарга болгон камкордукту бала бакчалардан баштаарын жана мындай заманбап бала бакчаларды куруу иштери республиканын бардык аймактарында жүргүзүлөөрүн билдирди.

Алишер ТОКСОНБАЕВ, өз кабарчы