1,494 Бардыгы /

      Келаткан жылдын 1-сентябрынан тарта өлкөдөгү мектептер пилоттук негизде ваучердик каржылоого өтүшү толук ыктымад! Бул туурасында  билим берүү жана илим министри Каныбек Иманалиев “Биринчи радиого” берген маегинде ачыктады.

          – Каржы министрлиги даяр болсо, Кыргыз Өкмөтү уруксат берсе, анан гана сөзсүз  баштайбыз. Бизге бюджеттен которулган 65 миллиард сомду ар бир окуучуга бөлөбүз, анан окуучу кайсы мектепке барарын өзү тандайт! — деди билим берүү жана илим министри Каныбек Иманалиев

          Буга дейре Министрлер кабинетинин башчысы Акылбек Жапаров бийлик мектептерге ваучердик системаны киргизүүнү карап жатышкандыгын айткан эле. Кыргыз Өкмөтүнүн башчысы  ушуга ылайык мугалимдерге окуучулардын санына жараша эмгек акы төлөнөөрүн дагы коршумчалаган. Мындай ыкма жаңы кабыл алынган «Билим берүү жөнүндө» мыйзамда дагы камтылган.

         ВАУЧЕРДИК СИСТЕМА — «окуучунун артынан акча ээрчиген» каржылоо системасы. Башкача айтканда, мамлекет каражатты билим берүү мекемесине эмес, ар бир окуучуга бөлөт. Ата-энелер мектепти тандап, Билим берүү министрлигинен атайын эсепке акча (ваучер) алышат. Ошол каражатты билим берүү уюмуна (мектепке же бала бакчага) которушат. Ата-энелер каражатты накталай чыгарып же башка муктаждыктарга жумшай албайт. Ваучердик системанын артыкчылыгы — билим берүү мекемелеринин ортосундагы атаандаштыкты жогорулатуу, коррупцияны азайтуу жана окуу жайды тандоо эркиндигин берүү.

Алишер ТОКСОНБАЕВ, өз кабарчы