948 Бардыгы /

ЧҮЙ. 6-сентябрь күнү 2019-жылдын август айында “Кой-Таш”
окуясында толугу менен күйүп (өрттөнүп) кеткен Беш-Күнгөй айылдык
милиция бөлүмчөсүнүн ачылыш аземи болуп өттү.

ИИМдин басма сөз кызматы билдиргендей, ачылыш аземге Кыргыз Республикасынын Ички иштер министринин орун басары Октябрь Урмамбетов Аламүдүн районундагы айылдык милиция бөлүмүнүн жаңы имаратынын ачылыш аземине катышты. Ошондой эле салтанаттуу иш-чарага Кыргыз Республикасынын Президентинин Чүй облусу боюнча ыйгарым укуктуу өкүлү Канат Джумагазиев, Кыргыз Республикасынын Ички иштер министринин орун басары милициянын генерал-майору Октябрь Урмамбетов, Аламүдүн районунун акими Мурадин Тешебаев, Чүй ОИИББнын начальниги милициянын полковниги Дамир Исаков, Чүй ОИИББнын жана Аламүдун РИИБнүн жетекчилиги жана өздүк курамы катышышты.
Ички иштер министринин орун басары Октябрь Урмамбетов бардык
катышуучуларга кошкон салымы, жардамы жана милиция менен кызматташтыгы
үчүн ыраазычылык билдирип, жаңыланган айылдык милиция бөлүмү жергиликтүү
калк үчүн ишенимдүү таяныч болорун белгилеп кетти. Алгач, Беш-Күнгөй айылдык милиция бөлүмчөсү 1993-жылы ачылып, Таш-Мойнок, Кара-Жыгач жана Көк-Жар айыл өкмөттөрүнүн аймагында коомдук коопсуздукту камсыздап келишкен. Имараттын жоктугуна байланыштуу бөлүмчө Көк-Жар айылындагы азыркы Юридикалык академиясынын эски корпусунун төрт бөлмөсүндө иш алып барышкан. Ал эми, 1999-жылы Таш-Мойнок айыл өкмөтүнүн
эски имаратына көчүшкөн. 2019-жылдын 8-август күнү Кой-Таштагы болгон
баш аламандыкта бөлүмчө толугу менен өрттөнүп кеткен. Ошол күндөн тартып, КРнын ИИМдин жетекчилиги бул маселени өзгөчө көзөмөлгө алып, Өкмөт тарабынан каражат бөлүнүп, жаңы заманбап имарат
курулуп, жабдуулар толугу менен камсыз кылынган.
Учурда Беш-Күнгөй АМБнүн өздүк курамынын саны 12 кызматкер болуп
бекитилип, жалпы саны 50 миңден ашкан тургундары бар 9 айыл, 4 жаңы
конушту тейлешет.