642 Бардыгы /

ЖАЛАЛ-АБАД. Бүгүн 20-сентябрда К. Ш. Токтомаматов атындагы Эл аралык университеттин (МНУ, Жалал-Абад ш.) чоң жыйындар залында жыл сайын 20-сентябрда белгиленүүчү Кыргызстандын ишкерлер күнүнө карата “Ишкердик – экономиканын кыймылдаткыч күчү!” аттуу тегерек стол уюштурулду.

ЭАУнун Кесиптик багыт берүү жана коомчулук менен байланыштар кызматы билдиргендей, тегерек стол ЭАУнун Үзгүлтүксүз ачык билим берүү институтунун экономика жана экономикалык изилдөөлөр кафедрасы, Эл аралык Кыргыз-Түрк институтунун экономика, менеджмент жана туризм кафедрасы, гуманитардык-экономикалык колледжинин эсеп-каржы сабактар кафедрасы тарабынан уюштурулган. Тегерек столго жогоруда аталган кафедралардын профессордук-окутуучулар курамы жана “Экономика”багыты боюнча билим алган студенттер катышышты. Тегерек столго Жалал-Абад ишкерлер ассоциациясынын директорунун орун басары Ж.С. Момунжанов, “Ак Ниет–Аманат” кайрымдуулук фондунун жетекчиси М.С. Сапарбаев, «Sky Way Community» ишканасынын өкүлү Г. Т. Кадыралиева чакырылган. Тегерек столдун жүрүшүндө ишкердикти өнүктүрүү боюнча бир катар маселелер талкууланды. ЭАУнун көптөгөн студенттери ишкердикке абдан кызыгышат. Бул иш-чара ишкердик боюнча көптөгөн пайдалуу маалыматтарды алууга мүмкүндүк берди.