531 Бардыгы /

          ОШ. Ош жергесинде Улуттар аралык өз ара араздашууларды мындан ары таптакыр болтурбоо, трансулуттук коркунучтардын жана үй-бүлөлүк зордук-зомбулуктардын, жаштардын диний-экстремизмге тартылуусун алдын алуу максатында комплекстүү окуу-семинар аяктады.

          Аталган маанилүү иш-чарага жергиликтүү бийликтердин өкүлдөрү, укук коргоо органдары, социалдык мекемелер, орто мектептердин директорлору, имамдар жана бейөкмөт уюмдар дагы катышып жатышат. Окуу-семинар маалында анын катышуучуларына видео-слайд сабактар өткөрүлүп, мындан тышкары атайын сахналаштырылган көрсөтүлөөр дагы тартууланып, мыйзамдуу укуктук ченемдерге таянган профилактикалык түшүндүрмөлөр кошо берилди. Ал эми Кыргыз Республикасынын Президентинин Ош облусу боюнча ыйгарым укуктуу өкүлү Элчибек Жантаев өз сөзүндө жергиликтүү бийлик өкүлдөрүнө ачык кайрылып, кылмыштуулук менен күрөшүү, коомдук коопсуздукту сактоо бир гана милиция кызматкерлери эмес, жалпыбыздын жоопкерчилигибиз жана милдетибиз экендигин баса белгиледи.

          Ошентип, аталган иш-чаранын жыйынтыгында окуу-семинарга катышкан Айыл Өкмөттөрдүн өкүлдөрү, милиция кызматкерлери менен тыгыз байланышта болуп, биргеликте иш алып барышкан жарандар Кыргыз Республикасынын ички иштер министрлигинин атайын сыйлыктары менен сыйланышты. Баса. мындай иш-чаралар мыдан ары Ош облусунун бардык аймактарында өткөрүлмөкчү.

Алишер ТОКСОНБАЕВ, өз кабарчы