729 Бардыгы /

ЖАЛАЛ-АБАД. Кечээ, 31-октябрь күнү Жалал-Абад облсунун 2023-жылдын тогуз ай аралыгында аткарылган социалдык-экономикалык көрсөткүчтөрүнүн жыйынтыгын чыгарган коллегиясы өттү.

Коллегияга Кыргыз Республикасынын Президентинин Жалал-Абад облусундагы ыйгарым укуктуу өкүлү Абсаттар Сыргабаев, район-шаарлардын, айыл аймак жана облустук мекеме-ишканалардын жетекчилери катышты.

Жыйында 2023-жылдын сентябрь айына чейин Жалал-Абад облусу боюнча 34 млрд. 981 млн. 800 миң сомдук өнөр жай продукциясы өндүрүлүп, көлөм индекси 109,6 пайызды ээлегени маалымдалды.

Облус ушул жылдын тогуз ай аралыгында мамлекеттик бюджеттин киреше бөлүгүн 105,2 пайызга же 539,4 млн сомго кѳп аткарууга жетишкен. Республикалык бюджеттин көрсөткүчү 8 млрд. 613 млн. 600 миң сомго аткарылып, 104,4 %ды же 366,2 млн. сомго кѳп аткарылып, ѳсүү ыргагы 170,1 пайызды түзгөн.

Ал эми жергиликтүү бюджеттин планы 2 млрд. 88 млн. сом болсо, 2 млрд. 261 млн. 500 миң сомго аткарылган. Отчеттук мезгил ичинде өнөр жайынын негизги 4 тармагы өткөн жылга салыштырмалуу физикалык көлөмдүн индекси 100 пайыздан жогору болгон.

Тоо кен тармагында 18 млрд. 711 млн. 700 миң сомдук продукция өндүрүлдү. Кайра иштетүү тармагында 6 млрд. 377 млн. сомдук продукция алынып, өсүү индекси 136,5 пайызды камсыздаган.

Тогуз айда облуска 15 млрд. 788 млн. 600 миң сомдук капиталдык инвестициялар тартылган. Ички инвестиция тартуунун жалпы көлөмү 2022-жылга салыштырмалуу 176,6 пайызга же 5 млрд. 533 млн. 6 миң сомго арткан.