915 Бардыгы /

Кыргыз Респубикасынын Эмгек, социалдык камсыздоо жана миграция министри Гүлнара Баатырова Жалал-Абад шаарындагы “Ак-Жол” балдар үчүн комплекстүү реабилитациялык борборуна жана Сузактагы карылар үйүнө текшерүү сапары менен баш бакты.

Ошентип, Кыргыз Өкмөтүнүн мүчөсү Гүлнара Баатырова мамлекеттик камкордукка алынгандардын кышкы жылуулук, тамак-аш блогу жана санитардык нормалардын сакталышы боюнча жашоо шарттарын капысынан жана дагы абдан тыкыр текшерди. Инспекция мекемелерде жылуулук, жашоо шарттары менен камсыз кылуу боюнча стандарттар нормаларга жооп берээрин көрсөттү.

Сузак карылар жана ДМЧА үчүн ССМ 1959-жылы негизделген. Үй-интернат 120 орунга эсептелген. Бүгүнкү күндө социалдык кызматтарды алуучулардын саны 95 адамды түзөт, булардын арасынан: эркектер – 60, аялдар – 35, мунун ичинде ДМЧА – 34, карылар-61. Ал эми Жалал-Абаддагы «Ак-Жол» балдар үчүн комплекстүү ребилитациялык борбору 2007 -жылы Жалал-Абад облусунун мамлекеттик акимчилигинин алдында ачылган. 2017-жылы Эмгек, социалдык камсыздоо жана миграция министрлигине өткөн. Борбор 49 орунга ылайыкташтырылган. Бүгүнкү күндө 22 бала тарбияланууда. Булардын арасынан 12си – бала, 10у – кыз. Президенттин жарлыгына ылайык, 1-жылдын 2022-январынан тарта бардык мекемелерде тамак-аштын акчалай өлчөмү 100 пайызга, бир адамга 110 сомдон 220 сомго чейин көбөйтүлгөн.

     Алишер ТОКСОНБАЕВ, өз кабарчы