762 Бардыгы /

Кыргыз Республикасынын Эсеп палатасы Ош облусунун Ноокат районундагы жергиликтүү бюджетте 23 миллион сомдон ашуун каржылык орой мыйзам бузуу аныкталгандыгын соңку сааттарда шардана кылды.

          Эсеп палатасы тараткан маалыматка караганда, бул одоно мыйзам бузуулар 2022-жылдагы бюджеттин сарпталышына жүргүзүлгөн аудиттин жыйынтыгында ганы аныкталып олтурат. Ошентип, Ноокат районунун жергиликтүү бюджетин өтө калыс бөлүштүрүүдө олуттуу алешемдиктерге жол коюлган. Эмгек акыларды ашырып көрсөтүү, сатып алынган товарлардын так эместиги жана тастыктоочу документтердин жоктугу дагы такталды. Эсеп палатасы ушул сыяктуу себептердин кесепетинен Жалал-Абад облусунун Ноокен районунда дагы 8 миллион 975 миң сомдон ашык каржылык бузуу аныкталгандыгын кошумчалады. Мындан мурдараак аталган мекеме Талас облусунун Манас районунда бюджеттик 3 миллионго сомго жакын каражат мыйзамсыз гана коротулгандыгын маалымдаган. Ал эми Нарын облусунун Ак-Талаа районунда 2021-жылдын бюджетинен 20 миллион сомдон көбүрөөк каражатты урунууда одоно мыйзам бузуу аныкталгандыгы 2023-жылдын декабрында гана ашкереленди.

          Ошентип, Кыргыз Республикасынын Эсеп палатасынын аудитинин – текшерүүсүнүн жыйынтыгында такталган мыйзам бузууларды тиешелүү укук коргоо органдары эми мындан ары кенен-чонон териштирип, баарына тең укуктук баа дагы бермекчи.

Алишер ТОКСОНБАЕВ, өз кабарчы