486 Бардыгы /

Кыргызстандын Түштүк башкалаасында таза суу долбоорунун үчүнчү этабы башталды. Бул туурасында Ош шаарынын мэри Бакытбек  Жетигенов шардана кылды.

          Маалыматка караганда. Ош шаарынын мэри Бакытбек Жетигенов Ак-Буура дарыясынын Даңги тилкесинен шаарга суу алуучу башкы тосмого чейинки аймакка диаметри 1000 мм болгон 2400 метрди түзгөн суу түтүгүн тартуу ишине старт берди. Калаа башчысы аталган долбоордун маанилүүгүн баса белгилеп, алдыда дагы жасалчу иштерди өз мөөнөтүндө сапаттуу бүткөрүүнү тапшырды. Бул долбоор шаарды таза суу менен толук кандуу камсыз кылуунун үчүнчү этабы болуп, маселеге дээрлик чекит коет. Даңги тилкесинде алгач бийиктиги 7 метрди түзгөн дамба курулат. Бул ушул жылдын 20-мартына дейре бүтүшү абзел! Андан соң узундугу 2400 метр болгон суу түтүгүн тартуу каралган. Жумушту толук түрдө бүткөрүү үстүбүздөгү жылдын август айына белгиленген.

          Аталган долбоор Азия өнүктүрүү банкынын (АБР) колдоосунун аркасыында Ак-Буура дарыясынын жогорку тарабынан таза суу тартуу максатында жүзөгө ашырылууда. Анткени. Ош шаарынын аймагы улам кеңейип, калктын саны дагы ыкчам улам өсүп жатат. Андыктан, таза сууга болгон муктаждык күн санап артып баратат. Бул долбоордун ишке ашуусу менен көп жылдык сууга болгон муктаждык дагы биротоло чечилет.

                    Алишер ТОКСОНБАЕВ, өз кабарчы