294 Бардыгы /

АКШнын Тынчтык Корпусунун Эко-туризм боюнча жети адис ыктыярчылары жергиликтүү өкмөттүк эмес Коомчулукка негизделген Кыргыз туризм Ассоциациясы (КНКТА) менен өнөктөштүктө туруктуу туризмдин өнүгүүсүнө жардам берүү максатында Бишкек шаарына келишти. Тренингди аяктагандан кийин адис ыктыярчылар КНКТА өнөктөштөрү менен жаратылышка негизделген турларды иштеп чыгууга, ички жана эл аралык туристтерди тартуу үчүн натыйжалуу маркетинг стратегияларын түзүүгө, туризмдин Кыргыз Республикасынын жергиликтүү экосистемасына тийгизген таасирин минималдаштыруу үчүн колдонмолорду жазууга жана мыкты иш-чараларды уюштурууга, жана жергиликтүү өнөктөштөрдүн англис тилин жакшыртууга дагы жардам беришмекчи.

          АКШнын  ыктыярчыларыэки жумалык Кыргыз тили сабактары жана маданияттар аралык компетенттүүлүктү камтыган интенсивдүү тренингди аяктагандан кийин Кочкор, Токтогул, Арсланбаб, Нарын, Каракол, Ош жана Бишкек шаарларындагы коомчулукка негизделген туризм ассоциациясынын кеңселеринде экотуризм маркетинги боюнча адис катары эмгектенип башташат. Ыктыярчылар Кошмо Штаттарда жогорку квалификациялуу жана өнүгүүгө умтулган адамдарды аныктоого багытталган тандоо жараянынан өтүшкөн. Окуу программасын ийгиликтүү аяктагандар гана ыктыярчынын антын беришет. Алардын өлкөдөгү кызматы дээрлик 12 айга – бир жылга созулат.

          Өлкөбүздөгү бардык Коомчулукка негизделген туристтик Ассоциациялар адис ыктыярчыларды кубаныч менен тосуп алууга даяр! Бул ыктыярчылар Кыргызстанга көптөгөн туристтерди тартуу максатында биздин экотуризм боюнча сунуштарыбызды жакшыртуудга дагы колдоо көрсөтөт деген тереё ишеничтебиз! – деди Кыргызстандын коомчулукка негизделген туризм ассоциациясынын аткаруучу директору Асылбек Ражиев.

          Ошентип, адис ыктыярчылар ушул тапта Кыргызстанда кызмат өтөп жатышкан 35 англис тилин окутуу боюнча ыктыярчылардын катарын дагы толуктап, ыктыярчылардын жалпы санын 42ге жеткиришмекчи. Кыргыз Республикасындагы Тынчтык Корпусунун Эко-туризм боюнча программасы Тынчтык Корпусунун Европа, Азия жана Жер Ортолук деңиз аймагында бул биринчи программа болуп саналат. Бул өз ордунда Кыргыз Республикасыдагы Тынчтык Корпусунун климатка багыттылган иш-аракеттерге көңүл буруусун даана чагылтып турат.

Алишер ТОКСОНБАЕВ, өз кабарчы