465 Бардыгы /

Министрлер кабинетинин төрагасы Акылбек Жапаровдун жарлыгына ылдайык Илияз Ташбаев президенттин Ош облусундагы Өкүлүнүн орун басарлыгына дайындалды. Баса, Илияз Ташбаев президенттин Ош облусундагы Өкүлүнүн мурдагы орун басары Зарлык Тургунбаевдин ордуна олтурду.
          Баса, Зарлык Тургунбаев кызматынан кетүү арызын 8-январда өзү жазгандыгын президенттин Оштогу өкүлү Элчибек Жантаев билдирген эле. Буга дейре Зарлык Тургунбаев Ош облустук акимчилигинин мөөрүн жеке жарандын кызматтык күбөлүгүнө басып бергендиги жөнүндө маалымат тараган. Өкүл мурдагы орун басарынын аракетин “Катачылык” деп сыпаттаган. Ал эми Зарлык Тургунбаев бул кызматка былтыр апрелде дайындалган эле.
          Айтмакчы, жаңы дайындалган Илияз Ташбаев буга дейре Мамлекеттик мүлктү башкаруу фондунун статс-катчысы, Монополияга каршы мамлекеттик агенттиктин жетекчисинин орун басары болуп иштеген. Ош облустук акимчилигинин басма сөз кызматынын маалыматына караганда, жаңы орун басар эмгек жамаатына али тааныштырыла элек.

Алишер ТОКСОНБАЕВ, өз кабарчы