777 Бардыгы /

Жогорку Кеңештин депутаты Н.А.Азыгалиевдин кызмат көрсөтүүлөрдү санариптештирүү маселесине байланыштуу сүйлөгөн сөзү айрым маалымат агенттиктеринде жарыяланган.
Жарыяланган маалыматка байланыштуу Ички иштер министрлиги маалымдайт. Учурда «Түндүк» электрондук кызмат көрсөтүүлөр мамлекеттик порталында катталган жарандар жеке кабинетинде электрондук кол тамга менен кол коюлган адамдын кылмыш жоопкерчилигине тартылгандыгы жөнүндө, адамдын Кыргыз Республикасынын аймагында соттолгондугу туралуу маалымат бар же жок экендиги жөнүндө маалымкатты «Түндүк» электрондук кызмат көрсөтүүлөр мамлекеттик порталы аркылуу электрондук форматта ала тургандыгын билдирет.
https://vt.tiktok.com/ZSNoHc5TG/
 https://fb.watch/pIJgA9dcTb/?mibextid=9R9pXO
https://www.facebook.com/watch/?v=420690483249949

Кыргыз Республикасынын Өкмөтү 2019-жылдын 7-октябрында №525 токтому менен бекитилген Электрондук кызмат көрсөтүүлөрдүн мамлекеттик порталын пайдалануу эрежелеринин 36-пунктуна ылайык, электрондук түрдө алынган документ мамлекеттик органдар тарабынан кагаз жүзүндө болгон документ менен бирдей документ катары таанылышы керек жана пайдалануучуга “Бирдиктүү терезе” режиминде мамлекеттик кызматтарды көрсөтүү борборлоруна жана пункттарына баруунун кажети жок.
Ошону менен бирге Министрлик тарабынан Кыргыз Республикасынын аймагында адамдын соттолгондугу бар же жок экендиги жөнүндө маалыматтарды алмашуу сервиси ишке ашырылгандыгын билдиребиз, бул сервиске туташкан мамлекеттик органдар адамдын соттолгондугу бар же жок экендиги жөнүндө тиешелүү маалыматтарды ала алышат.
Кагаз түрүндө маалымкатка муктаж болгон чет өлкөгө кетип жаткан жарандар үчүн республиканын бардык аймагында “Бирдиктүү терезе” режиминде мамлекеттик кызматтарды көрсөтүү боюнча 45 борбор жана пункт иштеп, маалымкатты алууну кыйла жеңилдетет.

ИИМдин басма сөз кызматы