537 Бардыгы /

          Былтыр Жалал-Абад облусунун аймагында 1 миң 402 ишкана ачылып, анын эсебинен 5 миң 571 жаңы жумуш орундары түзүлдү. Бул туурасында президенттин облустагы өкүлү Абсаттар Сыргабаев  жыл жыйынтыгы чыгарылган чогулуштун жүрүшүндө билдирди.

          Жалал-Абад облусунун башчысы Абсаттар Сыргабаевбул көрсөткүч 2022-жылга салыштырмалуу 549 ишканага жана дагы 2 миң 128 жумуш орунга жогору экендигин баса белгиледи. Анткени, өткөн жылы Жалал-Абад облусу боюнча 52 миллиард 666 миллион сомдук өнөр жай продукциясы өндүрүлгөн. Ыйгарым укуктуу өкүл 2023-жылы өнөр жай тармагында ишке берилген ири инвестициялык долбоорлорду атады.

          Соёунда президенттин Жалал-Абад облусундагы өкүлү Абсаттар Сыргабаев аймакта 23 орто жана чакан ГЭСтерди куруу боюнча долбоорлор даярдалып, 7 чакан ГЭСтердин курулуштары кызуу жүрүп жаткандыгын, булардын арасынан 4 чакан ГЭСтердин курулуштары аяктап, 2 мини ГЭС пайдалануга тапшырылгандыгын дагы кошумчалады.

Алишер ТОКСОНБАЕВ, өз кабарчы