591 Бардыгы /

Баткен жергесинде аткезчилик жол менен ташылып келинген жер семирткичтер аныкталды. Бул туурасында Ички иштер министрлигинен билдиришти.

          Маалыматка караганда, Баткен райондук ички иштер бөлүмүнүн тергөө кызматы тарабынан Кыргыз Республикасынын Кылмыш-Жаза Кодексинин «Экономикалык контрабанда» беренеси боюнча козголгон кылмыш ишинин алкагында кылмыш иликтөө бөлүмүнүн кызматкерлери тарабынан ыкчам-иликтөө иш-чаралары жүргүзүлгөн. Мунун натыйжасында үстүбүздөгү жылдын 31-январында экономикалык аткезчиликке каршы күрөшүү жана ага бөгөт коюу максатында аткарылган иш аракеттеринин жыйынтыгында, Баткен шаарынын көчөлөрүнүн биринен 20 фут контейнерде Өзбекстандан аткезчилик жолу менен Баткен облусунун аймагына алынып келинген жер семирткичтер аныкталып, дароо камакка алынды.

          Адепки тергөө жараянынын жүрүшүндө жалпы жонунан 518 кап (болжол менен 26 тонна) чыккан жер семирткичи Баткен шаарынын 43 жаштагы К.А.га таандык экендиги аныкталды. Ушул тапта бул өңүттө тергөө иштери кызуу улантылууда.

Алишер  ТОКСОНБАЕВ, өз кабарчы