639 Бардыгы /

          Кыргызстандын Баткен районунун акими Учкунбек Жоробаев жана Тажикстандын Исфара районунун төрагасы Баховаддин Баходурзода жетектеген тийиштүү делегациялардын кезектеги жолугушуусу  Баткен районунун Орто-Боз айылы менен Тажикстандын Хочаи-Аөло айылына чектешкен Төрт-Көчө жерлигинде өткөрүлдү.

          Расмий жолугушуунун жүрүшүндө бир нече олуттуу көйгөйлөр ачык эле ортого салынып, төмөнкүлөр боюнча өз ара макулдашууга жетишилди:

• эки өлкөнүн мамлекеттик чек арасындагы тынчтыкты, укуктук тартипти туруктуу сактоо;
• сугат суу талаш көйгөйү жаралбашы үчүн алдын ала өз ьара макулдашуу;
• жаз алды менен арыктарды тегиз тазалоо иштерин жүргүзүү;
• макулдашылбаган аймактарда эки тараптуу курулуш иштерин жүргүзбөө;
• чагымчылык аракеттердин алдын алуу үчүн тиешелүү биргелешкен чараларды көрүү;
• эки элди түрдүү чагымчыл чакырыктарга алдырбоо максатында тиешелүү түшүндүрүү иштерин кошо жүргүзүү.

          Баса, Кыргызстандын Баткен районунун акими Учкунбек Жоробаев кошумчалагандай, ушул тапта Баткен жергесиндеги чек ара аймагында коомдук-саясий абал тынч бойдон жана стабилдүү.

Алишер  ТОКСОНБАЕВ, өз кабарчы