549 Бардыгы /

Энергертика министрлиги Үч-Коргон жана Токтогул ГЭСиндеги реконструкция иштери туурасында маалымат жасады. Билдирүүгө караганда, «Электр станциялары» ААКсынын Токтогул жана Үч-Коргон ГЭСтеринин бирден гидроагрегаттары 5-марттан тарта реконструкцияга берилген.

          Ушул тапта Токтогул ГЭСтин №1 гидроагрегатын реконструкциялоого карата энергетиктер өз ишин баштаганына мына үч күн өттү. Бул аралыкта “ТГЭСти реабилитациялоо” долбоору боюнча төмөнкү иштер жүргүзүлүүдө:

1. Обьекттин аймагында турбинанын валын даярдоо жана орнотуу;
2. 707м бийиктикте ГА-1 муздатуу системасынын түтүктөрүн ширетүү жана монтаждоо;
3. Ротордун спицаларын ширетүү жана жылмакайлоо;
4. Жогорку валдагы дүүлүгүү системасынын өткөргүч шиналары үчүн кронштейндерди чогултуу;
5. Түтүктөрдү орнотуу үчүн бетонду демонтаждоо;
6. Демонтаждоо жана 740м төмөн басым кысылган аба системасынын түтүктөрүн монтаждоо иштери;
7. Насостук агрегаттын май бактарынын фланецин демонтаждоо;
8. Тазалоо жана таштандыларды терең төгүүчү тосмо бөлмөсүнөн чыгаруу жумуштары;
9. Таштандыларды кармоочу торлордун таякчаларын демонтаждоо;
10. Тереңдикти төгүүчү сегменттик тосмо демонтаждоо үчүн сол жагында даярдык көрүү;
11. Таштандыларды кармоочу торлорду алты таякчага А тарабында демонтаждоо;
12. Ремонттук тосмону алдындагы жүрүүчү дрон менен текшерүү болду иштери уланууда.

          Булардан тышкары Үч-Корга ГЭСин модернизациялоо долбоору дагы башталды. Маалыматка таянсак,  Үч-Коргон ГЭСнин ГА-4 демонтаждоо башталганга чейин алдын ала иш-чаралары активдүү жүргүзүлдү. Генераторду монтаждоо, ошондой эле агымдын өйдө жагына тосмолорду орнотуу үчүн жер даярдалды. Жабдууларды сактоочу кампа курулган. 2023-жылдын 4-декабрынан 6-декабрына чейинки мезгилде статор таякчаларынын заводдук кабыл алуу сыноолору ийгиликтүү өткөрүлдү. Подрядчы дренаждык системанын жабдууларын, кургатуу системанын жабдууларын жана ГА 4 статор таякчаларын тиешелүү аянтка толук жеткирди.

          Ошентип, ушул тапта  монтаждоо аянтчасында статорду чогултуу.  полюстарды демонтаждоо, демонтаждалган жабдууларды кампага ташуу, кургатуу системаны реабилитациялоо иштери, дренаждык системаны реабилитациялоо жумуштары жана ГА-4 демонтаждоо иштери абдан кызуу жүрүп жаткан чагы.

          Алишер  ТОКСОНБАЕВ, өз кабарчы