459 Бардыгы /

Кыргызстан жана Өзбекстандын Өкмөттүк делегацияларынын жумушчу топторунун биргелешкен Кыргыз-Өзбек чек арасын демаркациялоо боюнча комиссиясынын кезектеги жыйыны Ош шаарында жүрүп, ийгиликтүү аяктады. Бул туурасында Кыргыз Республикасынын Министрлер кабинетинин басма сөз кызматынан билдиришти.

          Ошентип. тараптардын жолугушуусу 2024-жылдын 4-мартынан 8-мартына чейин Ош шаарында өткөрүлдү. Анын жүрүшүндө 2023-жылга карата аткарылган иштердин жыйынтыгы чыгарылып, 2024-жылга жолугушуунун графиги кошо бекитилди. Ошондой эле Кыргыз-Өзбек мамлекеттик чек арасын демаркациялоо жана демаркациялык карталарды жана атайын (жалпы) геодезиялык тармакты түзүү маселелери дагы кенен-чонон талкууланды.

          Кыскасы, аталган расмий сүйлөшүүлөр достуктун жана өз ара түшүнүшүү маанайында гана өттү. Иш-чаранын жыйынтыгында тиешелүү Протоколго дагы кол коюлду. Эми жумушчу топтордун кезектеги жыйыны Өзбекстандын аймагында өткөрүлмөкчү.

Алишер  ТОКСОНБАЕВ, өз кабарчы