231 Бардыгы /

Соңку мезгилде Кыргызстанда кургак учук (туберкулез) дартына чалдыккандар күн өткөн сайын көбөйүп гана баратат. Мындай кендирибизди куп гана кескен кесепеттен калкынын саны өтө көп Ош облусунун Өзгөн району дагы кур эмес! Ошол себептүү бул өрөөндө коркунучтуу илдетке каршы атайын жүрүштөр жасалып, таасири күч акциялар абдан активдештирилди.

            Дилорам БАБОЕВА, Өзгөн районундагы жалпы дарыгерлер практикалык борборунун Ден соолукту чыңдоо каанасынын адиси:

– Үй-бүлө мүчөлөрүнүн арасынанбирөө-жарымыкургак учук менен оорп калса,анда калгандары дагы сөзсүз түрдө медициналык жактан тешерилүүсү кажет! Мындайда адепкисине каратат кургак учукка каршы дарылоо дайындалат. БЦЖ – бул ымыркайларда жана кенже курактагы балдарда кургак учуктун өмүр үчүн кооптуу, анан дагы оор түрлөрүнүн өөрчүшүн алдын алуучу вакцина. БЦЖ вакцинасы дени  сак бардык эле ымыркайларга төрөлөөрү менен адегенде эле сөзсүз жасалат.

          Турсунай ЖОЛДОШБАЕВА, Өзгөн райондук Ден соолукту чыңдоо комитетинин төрайымы:

– Кургак учук – кургак учуктун микробактериясынан жаралган, көпчүлүк убакта өпкөнү гана кашайтып, абдан тез жабыркатуучу дарт. Анын менен ар бир Адам сыркоолоп калуусу кажет! Бул илдет бейтаптан сопсоо Адамга деле жөтөлгөндө. чүчкүргөндө жана дагы өз ара сүйлөшүү аркылуу жугушу күтүлөт. Ошондуктан, пенде эки жумадан ашуун жөтөлгөндө, а түгүл түнкүсүн аябай тердегенде, анан дене табы эбегейсиз көтөрүлгөндө, тамак-ашка табити таптакыр тартпай калганда, бара-бара салмагы ашкере азайганда, тез-тез чарчаганда жана өтө алсыраганда жашаган жериндеги доктурга милдеттүү түрдө кайрылуусу жана көрүнүүсү кажет!

           Гүлзина МАМАТКАДЫРОВА, фтизиатор:

– Калкыбыз ашкере чоочулагандай, кургак учук анчалык деле опурталдуу дарт эмес! Андан акыры сакаюунун деле жолдору бар. Маселен, дарыланууну эрте баштаса, анан дагы узакка созулган дарыланууну эч качан үзгүлтүккө учуратпаса, ошондой элде дарылануу курсун дагы толук аяктаса, кургак учукка каршы дары-дармектерди өз маалында комплекстүү колдонсо, керектүү кеп-кеңештерди так жана кыйшаюусуз түрдө аткарса, же дарылоодогу коомдук жардамчынын көзөмөлүндө такай турса, мындай бейтап өзү гана утаары шексиз! Эгерде сыркоологон адам кашайып дарыланууну атайылап үзгүлтүккө учуратса, анда дарт өнөкөткө гана айлануусу толук мүмкүн. Мындан тышкары Элдик медициналык каражаттар – кымыз, бал, дары чөптөр, кашкулактын жана аюунун майы, иттин эти, же майы-шорпосу, ошондой эле медведка кургак учукту таптакыр сакайтпайт. Тескерисинче,  Адамдан ал-акыбалын ого бетер оорлоштурат. Коркпогула? Анан дагы учук дарты эч качан тукум дагы куубайт!

          Канатбек ЖУСУПОВ, Өзгөн шаарынын вице-мэри:

– Кургак учукка каршы акциянын Өзгөн жергесинде биринчи ирет өткөрүп жаткан жерибиз жок. Соңку мезгилде биз бул олуттуу илдетке каршы күрөштү бекеринен активдештирбедик. Анткени бул илдет улуттук генефондубузга дагы олуттуу коркунуч туудуруп жатпайбы. Ушундан улам дасыккан адистердин катышуусунда калкыбыз арасында түшүндүрүү жана ынандыруу жараянын ыраса күчөттүк. Мындан ары ушундай эле иш-чараларды Кыргызстандын бардык булуң-бурчунда үстөккө-босток жүргүзсөк, албетте мындан баарыбыз тең утаарыбыз анык!

            Ошентип, “КУРГАК  УЧУК САКАЯТ!” деген аталыштагы кургак учук дартына каршы күрөшүү аракети ушул тапта Ош облусунун бардык райондорунда жана айыл-шаарларында абдан катуу жүргүзүлүп жаткан чагы. Мунун натыйжасы кайтаар бекен? Албетте, аман турсак,  муну дагы мезгил гана көрсөтөт…

          Алишер  ТОКСОНБАЕВ, өз кабарчы