183 Бардыгы /

АКШнын Мамлекеттик департаменттин басма сөз катчысы Мэтью МИЛЛЕР Кыргыз Республикасынын “Чет элдик өкүлдөр” деген аталыштагы мыйзам долбоорунун кабыл алынышына терең тынчсыздангандыгын шардана кылды.

-Бизди Кыргыз Республикасынын, өлкөнүн мындан да демократиялуу жана инклюзивдүү болуусу үчүн маанилүү болгон бейөкмөт уюмдардын (БӨУ) ишин тобокелге салуучу, “Чет элдик өкүлдөр” деген аталыш менен белгилүү мыйзам долбоорун кабыл алуусу терең тынчсыздандырат. Бул Кыргыз Өкмөтүнүн демократиялык башкарууга жана жарандык коомго шек келтирген бир катар аракеттеринин акыркысы. БӨУлар бардык кыргызстандыктардын жашоо деңгээлин жакшыртуу үчүн өкмөт менен коомчулукту байланыштырууда чечүүчү ролду ойнойт. “Чет элдик өкүлдөр” аталышы менен белгилүү болгон мыйзам, бейөкмөт уюмдарга жүйөөсүз ашыкча жүктөрдү артып, Кыргыз элине олуттуу жардам көрсөтүп жаткан уюмдардын, анын ичинде жергиликтүү жана эл аралык бейөкмөт уюмдары аркылуу ишке ашырылып жаткан АКШнын жардамын чектөөгө же токтотууга алып келиши ыктымал.  Бул уюмдардын ишин чектөө жана алардын ишмердүүлүгүнө мамлекеттин ооздуксуз кийлигишүүсүнө жол берүү АКШнын саламаттыкты сактоо жана билим берүү тармагын жакшыртууга, мыйзам үстөмдүгүн бекемдөөгө, мамлекеттик кызматтарды көрсөтүүнү жакшыртууга жана кыргызстандыктар үчүн экономикалык мүмкүнчүлүктөрдү кеңейтүүгө көмөктөшүүгө бөгөт коюшу мүмкүн. Бул иш биздин жалпы жана биргелешкен максатыбызга –гүлдөп өнүккөн жана ийгиликтүү Кыргыз Республикасын түзүүгө жетүүнүн – ажырагыс бөлүгү болуп саналат. Натыйжалуу демократиялык башкарууну жана жарандык коомду колдоо жана муну менен тынчтыкты жана коопсуздукту чыңдоого салым кошуу биздин жалпы кызыкчылыкта. Биз жарандык коомду коргоо жана негизги эркиндиктерди коргоо боюнча кыргыз өкмөтү менен кызматташууну улантабыз, – деди АКШнын Мамлекеттик департаменттин басма сөз катчысы Мэтью МИЛЛЕР.

          Анткени менен Кыргызстандын расмий жогорку бийлиги АКШнын бийик даражалуу бул аткаминеринин расмий кайрылуусуна азырынча үн ката элек…

Алишер  ТОКСОНБАЕВ, өз кабарчы