276 Бардыгы /

Ош облусуна караштуу Алай районундагы базар баасы 65 миллион 350 миң сомду түзгөн борбордук автобекет акыры мамлекетке кайтарылды. Бул туурасында УКМКнын басма сөз кызматынан билдиришти.

Маалыматка караганда, Гүлчө Айыл Өкмөтүндөгү борбордук автобекет мурун «Гүлша-автобекети» мамлекеттик акционердик коомуна таандык болгон жана мыйзамсыз түрдө менчиктештирилип кеткен. «Гүлша-Автобекети» мамлекеттик акционердик коомунун жооптуу адамдары ишкананын акцияларынын 70 пайызын, жалпы аянты 0,42 гектарга жакын жер тилкесин жана 135 чарчы метрди түзгөн административдик имаратын сатып дагы жиберишкен. Ушундан кийин ушул эле адамдар Гүлчө Айыл Өкмөтүнүн кызмат адамдары менен ич ара сүйлөшүп, 2015-жылы укук белгилөөчү документтерди алышкан.

Ааталган автобекет ушул тапта коомдук базар сыёары гана иштейт. Ал эми соода түйүндөрүн ижарага берүүдөн ай сайын 500 миң сомго жакын киреше түшүп, алар жеке чөнтөккө гана кетип турган. Мамлекет казынасына сокур тыйын түшкөн эмес!

Алишер  ТОКСОНБАЕВ, өз кабарчы