288 Бардыгы /

Бишкек шаарындагыКасымалы Баялинов атындагы республикалык жаштар жана балдар китепканасында мүмкүнчүлүгү чектелген адамдар үчүн жаңы лифти орнотулду. Мындай кадам мүмкүнчүлүгү чектелген жарандар үчүн китепкананын ресурстарын жана программаларын тоскоолдуксуз колдонуусун камсыз этмекчи.

Аталган долбоор үчүн АКШнын Мамлекеттик Департаменти тарабынан 2 миллион сом грант сыңары бөлүнүп, ал Кыргызстандагы АКШ элчилиги, Кыргыз Республикасынын маданият, маалымат, спорт жана жаштар саясаты министрлиги жана Баялинов китепканасынын жетекчилигинин ортосундагы тыгыз кызматташтыктын негизинде жүзөгө ашырылды. Мындай лифт Кыргызстандагы коомдук мекемеде алгачкы ирет орнотулуп, мындай жышаан АКШ жана Кыргыз Өкмөттөрүнүн инклюзивдүүлүккө жана жеткиликтүүлүккө болгон биргелешкен милдеттенмесинин белгиси сыңары саналат. Лифт «Камкор» инклюзивдик билим берүү борбору аркылуу көтөрүлүп, мүмкүнчүлүгү чектелген жарандарга китепканада сунуш этилген ар түрдүү ресурстар жана программаларга өз алдынча катышуусуна дагы мүмкүндүк жаратат. Аталган программаларга АКШнын Кыргызстандагы Элчилиги тарабынан каржыланган Мейкер Спейс борборундагы STEM программалары жана Америка Бурчундагы англис тил үйрөнүү клубдары дагы кошо кирет.

• Биз бардык меймандарга билим берүү ресурстарына,

программаларга жана STEM чеберчилик бөлмөлөрүнө эркин кирүүнү камсыз кылуу менен тоскоолдуктарды жоюп, жаңы мүмкүнчүлүктөргө эшик ачып жатабыз, – деди АКШнын Кыргыз Республикасындагы элчиси Лесли Вигери.

• Кыргыз Республикасынын маданият, маалымат, спорт жана

жаштар саясаты министрлигинин атынан АКШнынКыргыз Республикасындагы Элчилигине, элчи Лесли Вигери мырзага мүмкүнчүлүгү чектелгендердин жашоо шарттарын жакшыртуу, билим алуу жана маалыматка жетүү көйгөйлөрүн чечүү ишине көрсөткөн жардамы жана колдоосу үчүн ыраазычылык билдиребиз! – деп агынан жарылды Кыргыз Республикасынын маданият, маалымат, спорт жана жаштар саясаты министринин орун басары Айнура Аскарова.

Ошентип, мүмкүнчүлүгү чектелген адамдар үчүн бул лифттин ишке кириши АКШ менен Кыргызстандын коомду инклюзивдүү кылууга багытталган акыркы аракеттеринин бири катары эсептелет.

Алишер  ТОКСОНБАЕВ, өз кабарчы