378 Бардыгы /

Жалал-Абад облусундагы Аксы районуна караштуу Жүзүмжан айылында эски жер көчкү активдешкени байкалууда. Бул туурасында Өзгөчө кырдаалдар министрлигинен билдиришти. Ушуга байланыштуу ушул тапта кооптуу аймакта жашап жатышкан 10 үй-бүлө убактылуу коопсуз жайга көчүрүлүүдө.

Жеринде Өзгөчө кырдаалдар министрлигининКжАКБнын башчысы А.Сулайманов, Жалал-Абад облусу боюнча башкармалыгынын башчысы А.Закиров, Өзгөчө кырдаалдарга мониторинг жүргүзүү, божомолдоо департаментинин адиси райондук Жарандык коргоо кызматтары тартылып, кырдаалды жеринен көзөмөлгө алышп турушат. Үй-бүлөлөрдү коопсуз жайга көчүрүү үчүн райондук өзгөчө кырдаалдар бөлүмүнүн өздүк курамы тартылып, көчүрүү комиссиясы тарабынан автоунаалар бөлүнүп, коопсуз аймакка чыгарылууда.

Эскерте кетчү жагдай: Жалал-Абад облусунун аймагында 1020 кооптуу аймакта 1067 үй-бүлө дагыле тиричилигин улантып жатышат. Жыл сайын жаз-жай мезгилдеринде башкармалыктын түзүмдүк бөлүктөрүнүн өздүк курамы тарабынан жергиликтүү бийлик өкүлдөрүнө жана тургундарга эскетүү баракчалары берилет.

Алишер ТОСКОНБАЕВ, өз кабарчы